नोंसो मा सानो आंथ' मोन्दाङा Poem by Ronjoy Brahma

नोङो सिरि सिरि थांगासिनो दं गावनि थांखि फारसे
आंहा नाथाय थांखि गैजाया
आंनि थांखिया जादों नों
नोंखौ मोननो हास्थायनायानो आंनि थांखि

नोंनि थांखिखौबो आं मिथिया
नों जेरै दावगालांबाय थादों
बे फारसेनो आंबो थांफागासिनो दं

नोङो अरनबारि सिंखावनाय समाव
आंबो अरनबारि सिंखावफादों
नोङो लैथो बारनाय समाव
आंबो लैथोखौ बारफादों

आंदि नोंनि उन उन
नोङो उनथिंबो नायहरफिनाखै
सम गैया नोंहा
आं नोंखौ थाथ'नो खावलायाखै रायदाव हराखैबो

माब्लाबा सानसुथिर समाव आंनि सायखंखौ जुदि नोङो नुनो मोनो
बै समाव नोङो आंखौ मा सानगोन
सुथुर ना हेफाजाबगिरि आंथ' मोन्दाङा