जायनि थाखाय जों बयबो सिमां नुयो Poem by Ronjoy Brahma

बयहाबो थांनानै थानायनि सिमां दं
बेनि थाखाय अखा आरो सान्दुंजों जुजिनो गोनां जायो
खना-खनलायाव थाखोमाना खायसो खालामनाय जेंनाफोरखौ आरो माथो बुंबावनो
खर'खौ हाथियार बाहायनानै बिखुं लामनानै
बेनि थाखाय मोदोमनि सानाय आरो आलौनाय गासैखौबो
गोब्राब सहायनो गोनां जायो

बेनि थाखायनो जोंनि उखैनाय
बेनो जोंखौ मोननाय आरो खोमानांनायनि हालाय-हाफाय खालामो

उदैनि उखैनाय बेजों बेसेबां जुजिनो
दिनैसिम बे जुजिनायखौ दलर दोननोनो हाया माथो
जुजिबाय थानांगोन जाय समसिम उदैनि उखैनाया जोंखौ नागारलाङो

जायनि थाखाय उदैनि उखैनायखौ होखारनो हायो
बेनि समायनाखौ आरो माथो बुंबावनो
बेनि थाखायनो जों बयबो बिखौ मोजां मोनो

बेयो इनायनो समायना
बेनि गोजोननाय होनायाबो सोमोनांथाव
हा सिंनिफ्राइ जोंनि उदैसिम सफैनाय समसिम
सान्दुं अखा दै आरो बारजों गेले गेले लाइमोन जाबोयो बियो
सानफ्रोमबो महर सोलायबोयो बियो
बेबादि सोलायनायानोथ' जोंनि आंगो बयनिबो गोरोबफ्लेथारनाय सल'