जिउआ इसोरनि दैथायहरनाय मोनसे दावबायनाय Poem by Ronjoy Brahma

इसोरआ आंखौ मा मावनो थिनदों
आंहा एसेबो मावनो गोसो जाया
नाथाय गोदोनायाव हमनानै बियो आंखौ मावनांगौ फारसे बोलांबाय थायो
आं जेसेबांनो अख्रा खालामो
इसोरआबो एसेबांनो अख्रा

गोसो जायो बिसिनायावनो उन्दुना थाबायथानो
मोजां मोजां सिमां नुनानै सान बारहोनो
आं सानो इसोरआ गासैखौबो सिफायनानै होयो

हायाव गसंगासेनो सान हर देरबोनाय बिफांबादि
उन्दुनाय सिखारनायावनो माब्लादि एसेबां गोजान सफैखो
उदिस मोनस्लाबासै जिउनि दावबायनाय
गोजान सफैथारबाय आं

अख्रांमा बिगियानगिरिफोरनि अखाफोर एबा मंगल ग्रह
दैथायहरजानाय स्पेस प्रोब रकेटफोरबादि
गिरिजों दैथायहरजांनाय आंनि जिउआ
दावबायदों बियो जिरोन गैयै सान मोना
एखमबा गाबदों एखमबा मिनिदों बियो सम आरो बोथोरनि हाल-सालजों