समा बेबादिनो खारलांबाय थादों Poem by Ronjoy Brahma

समनि गंफ्रोमबो सुआ आंनि मोखां फारसे खारबोदों
आंनि मोखांखौ खायजिरनानै खारलांदों
एसेबां नाजासेयावबो
समनि गंसेबो सुखौनो आं हमथानानै लाखिनो हायाखै

समजों आं गेलेनो लुबैयो
नाथाय समा आंखौ नागारलाङो

समनि सिगाङाव आं दान्दिसेबो खुला-खुलि गोसोनि बाथ्राखौ फोरमायफेरनो हायाखै
हरदम फैयो हरदम थाङो बेयो
एखमबा दुखुनि खौरां एखमबा सुखुनि खौरां
बेनि अनगायै समा आंनो मा होलांखो

समजों खारफानानै जिउनि बाथ्रा सोंनो सानो
नाथाय समनि उन उन खारनानैनो मेंग्लिलाङो
समनि बेसेबांबा गोजान थालाङो

समा बेबादिनो खारलांबाय थादों
बिजों खारफानानै जिउनि थांखि जाफुंहोनो लुबैयो
खारफानो हाया उन उन खारफालांनो नाजायो
दिनैनिल' बाथ्रा नङा
जोनोमनि उननिफ्राइनो बिनि बेसेबांबा उनाव थालांदों आं