Tuan Pangasinense ka
Nu maaro kad kapara
Nu say panantulong, likas ed sika
Tan nu nununuten moy ibagam bago ka mansalita.
Tuan Pangasinense ka
Nu lilingapen moy yaman ya intir na Diyos ya Amarsua
Nu tatakilingen moy produkto ya nanlalapu dia
Tan nu labay moy kareenan ya tua.
Tuan Pangasinense ka
Nu walay takot mo'd Diyos ya Amarsua
Nu say ateng mo aaroen mon talaga
Tan nu amayamay su kaarom ya maaaro singa sika.
Nu walad sikan amin ya,
Say tepak nipeg mon naala
Lapud tuan Pangasinense ka!
(April 4,2017)
This poem has not been translated into any other language yet.
I would like to translate this poem