Umnt’ Onomsindo Poem by NtsimbamaZizi Sibongile Potelwa

Tyhini walugcwabevu waphela;
Ewe wafuth’ okwenkunz’ enkomo
Wgquba ngaphakathi kungekho ntetho;
Lugcwabevu ufing’ iintshiya

Uthule akabhodli nto;
Kub’ ibhodlela alikazali
Lakuzal’ uyagqabhuka;
Kunge kudubul’ isiciko

Msindo wani na lo?
Wajijitheka umntu sikhangele
Ulugcwabevu akaphezi;
Ngenxa yomsindo

Wakubhodla kutak’ amabibi;
Ubusadusadu kuye le nale
Adanduluke okomprofeth’ onomoya
Akabambeki de kuhl’ umoya

Msindo awulawuleki;
Msindo uyabulalisa
Mnt’onomsindo akanqandeki;
Yabho-o-odla! Madoda isanqange