Xola nhliziyo yami,
Uthando lukwehlulile.
Owayithembisa, uyayithanda; uyalile.
Ingepheph' inhliziyo yay' idabukile;
Ngaw' ithemba lothando lilahliwe;
Ngony' inhliziyo yay' uyihlubuhlile;
Wayixebula kungesikhumb' enqineni;
Izibazi; amanxeb' abhibhayo ashiyiwe.
Kahle kahle, uyayithanda?
Uthé uyamthanda?
Xola nhliziyo yami,
Sekwanele manjena.
Wena yini oyaziyo ngothando?
Wayishela, yala; waphikelela, yakuqoma;
Yakuthanda, wajabula; yakwala, wakhala;
Wayala, yalila; isalil' usushaya ibuya?
Xola nhliziyo yami,
Uthando lukwehlulile.
Lukwehlula nje, nguwe oyalile.
Hayi! Yeka nhliziyo yami.
Ubuya nani? Usuhlulekile yini?
Sala wedwa kanjalo, kufukamele;
Unembez' odabukile, owakho ugone;
Khuzeka. Sekwanele manjena.
Intomb' engiyithandayo, ngiyalile;
Amathemb' ekusasa, asedeliwe.
Intokaz' engithandayo, ngiyishiyile;
Njengohlanya ngiyay'landela, iyabaleka
Kangikhathali. Inhliziyo yay' ikhungathekile.
Wagxumagxuma kangaka, kanti uyixoxo yini?
Uyalile kodwa uyayithanda?
Khohlwa. Awuzaz' ufunani.
Xola nhliziyo yami uthando lukwehlule.
Xola Nhliziyo yami. Imnandi, ibhaleke kahle.ishiya umfundi nosizi lokwephuka kwenhliziyo. Sya_! !
Ah man! Oh this girl won't agree after such effort from third and fourth parties. Heart touching piece of writing. Keep them coming
Oh! Yeah, sometimes, nothing works if someone doesn't love you, then they don't., ,
This poem has not been translated into any other language yet.
I would like to translate this poem
Another painful sad love showing hurt feelings by such a resistance woman....worth school syllabus... Please, would you work out the English version of this poem
Thanks man for your positive recommendations... I shall do so, do the translation. Thanks