'વનવાસી' Poem by ravikumar patel

અમે રે વનવગડાનાં વાસી,
નથી કોઇનાય ચરણની દાસી,
સદાય રહીએ પ્રકૃતિની ઓથે,
ખોવાયા એવા કે, ના મળીએ કદી ગોતે,
આજે ખાધું, આજે પીધું,
કાલની વળી ચિંતા શું?
રીત અમારી જબરદસ્ત,
કરીએ મહેનત કમરકશ,
જીવ અમારા સંતોષી,
નથી ભાળ્યા, હાથે કદી જોષી,
ચાલે કર્મનું ચાકડું,
ભૂલી ભ્રમનું ભાંખડું,
એક્બીજાની પડખે ઊભા,
મિલાવી અમે ખભે ખભા,
જોઇને અમને, કહેતાં દંભીઓ,
હશે ભાઇ હશે, હશે ભાઇ હશે,
હશે ભાઇ હશે, હશે ભાઇ હશે.

- રવિ બી. પટેલ.