गोरबो इसिँनिफ्राइ- 144 Poem by Ronjoy Brahma

नोँनि लामायाव थाबायनानै
मेँनानै फैयो खारनानै
लोगो मेङै मेङै जिरायफैयो
-
बे गुसुआव आखायखौ होनानै
बिलिरदो गोसोआव गोजोनखौ
दुंब्रुद रजे अन्नायखौ नोँनि
गोरबोनिफ्राइ गोरबो इसिँआव
-
दा मोनाबिलिया फांथेयो
सना आयलि जायलि खानायखौ
नोङो सेरावनो फैदो
बे गुसुआव आखायखौ होनानै
-
बार गेवलां बिबारखौ नुलिया
सोमखोर मिथिँगाखौ सिनायलिया
दा मोनाबिलिया फांथेयो
सना आयलि जायलि खानायखौ
-
गोदै दाउसिना रोजाबलिया दा
बिसोरो एब्रेबाय गावसोरनि बासायाव
मि-सिया दा मिनिफैलिया
बिसोरो दरजा फांथेजोब्बाय
-
रजे नोङो नुजाफै नुजाफै
देलाय लाय साया-माया
नैबे खोमसि खथायावनो
बेवनो आं नोँजोँ रायज्लायनि
-
नोँनि लामायाव थाबायनानै
मेँनानै फैयो खारनानै
लोगो मेङै मेङै जिरायफैयो।
-
18/11/2015
गामियाव