गोरबो इसिँनिफ्राइ- 153 Poem by Ronjoy Brahma

गोरबोआ गाबै गाबैनो रजे
दाहायाव आङो मेंग्लियो
नोङो सिरि सिरियै फै रजे
आंनि मोखां नुजाफै
-
गाबनायाव दोबैयो गोसोआ
रजे मेंग्लिनायाव गोजावो सोलेरा
नोँ फै गसाइ
नोँ फै रजे नैबे हराव
-
लासै लासै अखाफोर गावदां जानानै
रजे मिनिसुलु गोसोनि खोमसिखौ
होखारफै होखारफै रजे मेगननि आन्दायनायखौबो
आंनि नंखाय गाबनायखौ बुरखायनानै
-
बे खोमसियाव आरोबाव खोमसि
आन्दायनाय रजे गोसोआव
हांआव गोरबोआव ॐकार रिँहोनानै
गसाइ जैरैबा रोजाबो आं गोरबोआव
-
नैबेयाव दलरै गसंनाय खोमसिखौ
नाथ्रोद नाथ्रोद गसाइ
नोँनि गोथार रंजानायजोँ सोरांखौ
हर गसाइ हर रजे नैबेयाव
-
गोसोआव गाबै गाबै
दाहायाव आङो मेंग्लियो
नोङो सिरि सिरि फै रजे
आंनि मोखांआव नुजाफै।
-
27/11/2015
बंङाइगामियाव