Pyaar Hai Ye Cheez Kyaa-(Hindi) Poem by Aftab Alam

Pyaar hai ye cheez kyaa, tumko bataataa hun,
Aankho dekhii haal main, tumko bataataa hun
Dekhte hee daud padee, wo gale lagaane ko,
Qissaa naheen haqiqat hai, tumko sunaataa hun,

Gaalon pe rakh kar haanth wo, chuumne lagee
Aansu bharee aankhon se, usko ghurne lagee,
duniyaa se dur-dur tak, koii waastaa na thaa
bhid bhari chauraahe ko, tumko dikhaataa hun,

lagkar gale wo ro rahe the, siskiyaan suni,
pyaar ke jogi the wo, the pyar ke dhuni,
kahaan gayaa tha laal tu, mujhko bataa jaraa,
puchh na maa haal meraa, jakhm dikhaataa hun,

pyaar karne waale rahte aksar bekhabar,
pawitrataa ho pyaar me to phir kahe ka dar,
pyaar akhir pyaar hai, hai badi hunar,
desh prem kaa path main tujhko padhaataahun,

maa -bachche kaa pyaar hi to desh banaataa hai
bechain hai wo maa jab bhatak sa jaataa hai,
kyon nahin bechain hote, maa jab roti hai,
Jaag-jaag bhai mere, main tumko jagaataa hun,