Salamat po, Ka Eduardo,
Sa inyo pong pagmamahal;
Inaakay n'yo ang tao
Patungo sa bayang banal.
Kahit mapagod, mapuyat
Ay hindi n'yo alintana;
Ang mahalaga'y matupad
Ang tungkulin n'yo sa Ama.
Ang Iglesia'y tinitipon
Sa lahat halos ng dako;
Panganib ay sinusuong,
Iniikot itong mundo.
Dama ng mga pinili
Ang inyo pong pagsasakit;
Kamiโy hindi masasawi,
Kaligtasa'y makakamit.
Walang iba pang hangarin
Kundi para sa Iglesia;
Nagtagumpay ang mithiin
Sa inyo pong pangunguna.
Sa inyong pangangasiwa,
Puso po ang nangungusap;
Kami ay di nagsasawa,
Pagsamba ay laging hanap.
Pasasakop kaming lubos
Sa Lider Pangkalahatan;
Kami na mga tinubos,
Pagsunod ay di iiwan.
Tutuparin ang tungkulin,
Totoo hanggang sa wakas;
Tatapusin ang takbuhin,
Pag-asa namin ay wagas.
Kayo po ay aming mahal,
Habang kami'y may hininga;
Ang inyo pong pangangaral
Sa amin ay mahalaga.
Dalangin namin sa Diyos,
Patnubayan kayong lagi;
Sa biyaya ay mapuspos,
Kalusuga'y manatili.
Ang Diyos ay pinupuri,
Kami'y Iglesia Ni Cristo;
At nagagalak po kami,
Salamat po, Ka Eduardo.
This poem has not been translated into any other language yet.
I would like to translate this poem
I can't think of such word like beyond compare or above perfect. And a vote of above 10. ๐ Thanks, Bernard...You are Amazing! ! !
We are forever one with our beloved leader๐๐๐... Thanks, Ate Che๐๐๐