______'خود_کو خط'_____ Poem by Dr-Mantashah Zia

خود کو اک خط لکھا
معذرت بھرا خط
اُن خواہشات! ! !
ان بیکار تمناؤں کیلیے
جو مسخ ہو گئیں
۔۔۔۔۔۔۔۔۔۔۔۔۔۔۔
اُن خوابوں کیلیے
جو ادھورے رہ گئے
خود سے معذرت
کہ ایک زمانہ بیتا
کبھی کُھل کر
بے وجہ سی مسکرا ہٹ کو
راستہ نہ دیا
ایک انت سے
کوئی بھی محبت بھرا گیت ہونٹوں پہ نہ ٹھہرا
۔۔۔۔۔۔۔۔۔۔۔۔۔۔
‏سنو
المیہ ہے
معذرت بنتی ہے
سو میں نے
خود سے معذرت کر لی
۔۔۔۔۔۔۔۔۔۔۔۔
بادلوں سے مانگے ہوئے سائے پہ
معذرت
ریت رواج کا جُزو بننے پہ
۔۔۔۔۔۔۔۔۔۔۔۔
وہ منزل چننے پہ
جہاں توصیف نہیں
ان رستوں پہ
جہاں زخمی ہوئے پاؤں
مرہم کو ترستے ہیں
۔۔۔۔۔۔۔۔۔۔
معذرت بھرا خط کہ
سورج کی سنگت چھوڑ کر
بادل سے سائے مانگے
تپش سے چھلنی روح کی
فرہاد نہ سنی
۔۔۔۔۔۔۔۔۔
میں نے ملامت کی
خودی ڈبو کر خود کو بچانے
بھنور چھوڑ کر
ساحل سے کنارا مانگنے پر
۔۔۔۔۔۔۔۔۔۔
دیکھے ہوئے سپنے چھوڑ کر
گھروندے ریت تعمیرکرنے
کچے تعلق بنانے اور
دھاگے کی طرح توڑ دینے پر

۔۔۔۔۔۔۔۔۔۔
بچپنے کی تخریب
پرندے پکڑ کر
قفس میں قید کردینے پر

۔۔۔۔۔۔۔۔۔۔
سنو!
کبھی کبھار
خود کو خط لکھنا
اور صرف ایک خط
ملامت اور معذرت بھرا خط
کیا المیہ ہے
اس پہ معذرت تو بنتی ہے
سو کبھی کبھار
خود سے معذرت بھی کرلیا کرو

(من تشاء ضیاء)
26/12/2022