____''قیدی''______ Poem by Dr-Mantashah Zia

میں قیدی اِک آزاد پرِندہ ہوں
مجھے خوف آتا ہے قید سے
رِشتوں کی قید کی زنجیروں سے
اپنوں کے ساتھ کی بیڑیوں سے
۔۔۔۔۔۔۔۔۔۔۔۔۔۔۔۔
میں قیدی اِک آزاد پرِندہ ہوں
مجھے آزاد رہنے دو،آزاد فضاؤں میں
مُحبت کی ہتکھڑیاں لگاؤ گے تو
بَند کمرے سے لاش پاؤ گے
۔۔۔۔۔۔۔۔۔۔۔۔۔۔۔۔
میں اپنیِ ڈَار سے بِچھڑ جَاؤں تو
میرے پَر ٹُوٹ جاتے ہیں
میں اُڑنے سے، اُڑ کر ڈرتا ہوں
میرا ہاتھ تھامو حَق ہے تُمہارا
مَگر ہتھکڑیِ نہ لگاؤ
۔۔۔۔۔۔۔۔۔۔۔۔۔۔۔۔۔
مُجھے پسند ہیں
وِیران جذیِرے،قدیم حَویلیاں
پَت جھڑ کا مُوسّم،خزاں رسیدہ
گُھپ اندھیرا،کالی تاریکی
گہری خاموشی، سرد سیاہ رات کا منظر
۔۔۔۔۔۔۔۔۔۔۔۔۔۔۔۔۔۔
میرے کمرےکی اُداس کھڑکیاں
رنجیدہ کواڑ،سنسان اندھیرا
پرانے کاغذ،بکھرے قلم،خستہ حالی مگر
میں قیدی اک آزاد پرندہ ہوں
۔۔۔۔۔۔۔۔۔۔۔۔۔۔۔۔۔۔
میں قیدی اک آزاد پرندہ ہوں
مجھے گھٹن ہوتی ہے تنگ گلیوں سے
میری سانس رکتی ہے اونچی دیواروں سے
دھرکن بھٹکتی ہے چھوٹے مکانوں سے
گمشدہ مکینوں سے،ٹوٹے سفینوں سے
۔۔۔۔۔۔۔۔۔۔۔۔۔۔۔۔
پردیس میں، کینیڈا اونٹاریو سے
'میں نے چھبیس کمروں کا گھر چُنا'
کہ مہینہ آسان گزرے گا
روز اک کمرہ بدلنے سے
ورنہ میرے کمرے سے
خطوط نکلیں گے،لاش نکلے گی
کبھی نا تم میرے فلسفے کو سمجھ سکو گے
کہ میں کیوں آزادی کیلیے پھڑپھڑا کر
اپنے پر تڑوا بیٹھا
سنو! روز کے میرے آئینے!
مجھے محبت کی قید میں
سزائے موت مت دینا
بھلے زنجیروں سے باندھ دینا مگر
آزاد چھوڑ دینا
تمہیں تمہارے دل کی مضبوط فصیلوں کا واسطہ
میں تمہیں قضاء کروں تو
مرجاؤں
تم کیوں آخری لمحے عمر قید سنا کے جاتے ہو؟
اماوس کی رات بہت بھاری ہے
سنو! میرے تیسرے لہجے
۔۔۔۔۔۔۔۔۔۔۔۔۔۔
مَن تشَاء ضِیاء

30/10/2022