Aksar zehen ke ek goshe mein koi aisa kheyal aa jata hay,
Jazbon mein ubal aa jata hay aankhon mein sawal aa jata hay.
Aur jab barson purani chahat se phir unka jawab aa jata hay,
Ab kaise kahoon us chehre per phir kaisa jamal aa jata hay.
Wuh dhoop mein nikhra din ho koi sardi se thithurti ratein hon,
Koi tik nahin pata samne phir har shay pe zawal aa jata hay.
Wuh tan ka jalta sooraj ho ya man ka thanda ho mehtab,
Angraian lekar uthta hay mail-ba-kamal aa jata hay.
Jab aandhi aisi aa jae phir tez hawaein chalti hayn,
Phir quas-e-qazah nach uthti hay phoolon pe gulal aa jata hay.
Hum mitti ke khilaunon se keyun khel yeh khele jate hayn,
Na jane kiski shararat hay keyun aisa kheyal aa jata hay.
I dont have much knowledge about urdu poetry but jo bhi hai i mean shayari ya nazm its excellent. Like it.
This poem has not been translated into any other language yet.
I would like to translate this poem
Wordings used are beautiful..... Excellent collection of words...10 on 10 (y)