Those You Know Well, Are No Good, You Say, A Urdu Ghazal By Sudarshan Faakir In English Translation Poem by Ravi Kopra

samne hai jo use log bura kahte hain

sāmne hai jo use log burā kahte haiñ
jis ko dekhā hī nahīñ us ko ḳhudā kahte haiñ

zindagī ko bhī sila kahte haiñ kahne vaale
jiine vaale to gunāhoñ kī sazā kahte haiñ

fāsle umr ke kuchh aur baḌhā detī hai
jaane kyuuñ log use phir bhī davā kahte haiñ

chand ma.asūm se pattoñ kā lahū hai 'fākir'
jis ko mahbūb kī hāthoñ kī hinā kahte haiñ


-Sudarshan Faakir