Kya Kahun? Poem by soulful heart

Kisi shayar ne kya khub kaha-
“Fanus banke hifazat jiski hawa kare
Wo shamaa kya bhuje jisko roshan khuda kare! ”

Par, wo-
-shama kya kare jisko fanus hi na mile;
-hawa kya kare jisko rukh hi na mile;
-jigar kya kare jiska lahu hi zahar bane;
-parinda kya kare jiska ghosla hi sholaon se bhare;
-aankhe kya kare jiski roshni aftab hi cheene;
-aashiyan kya kare jiske deewar hi barf se bane;
-seena kya kare jisko dil hi katal kare;
-rooh kya kare jisko saans hi ghootan de;
-jism kya kare jiske kadam hi zanjeer bane;
-marham kya kare jiski khuwat hi marz bane;
-darkht kya kare jise jad hi ujaaad de;
-khoon kya kare jise tukh hi ruswa kare;

Is tamasha –e- dard ko dekhne log jhoond me aaye,
Par zaleem zamana kya jaane-
-Inteha-e-aansu kabhi numaish na bane.