Ụwa bú ótụ Mbia
Ekwe kụọ, ámá ágbá
Agughe ụzọ, agughe ọnu
Nwata akwọ n' azụ
Amaghị n' ije dị anya
Ụwa abụghị ebe obibi
Ahịa kà anyị niile bịara n'uwa
Mmadụ niile nọ n' ụwa bú ọbịa
Dika anyanwu sị amuke na ehihie
Ka anyị ga-esi wee chasia n'ụwa
Ma laghachi na urukpu igwe.
Ihe Onye ga-eme, ya saa anya ya
Makana ihe onye metara ka eji erota ya
Ézì aha kachasị ego mmá
Ya ka ejula ji eji nwayọọ a ga n'ọgụ
Tigbuo zọgbuo abụghị ihe ụwa chọrọ
Onye biri, ibe ya biri ka mma
Makana ụwa ga-abasi onye ọbula.
Ụwa bú ótụ Mbia na ndụ anyị niile
Anyị niile bu ndi ọbịa n' elu uwa a
Ụbọchị anyị ga-alaghachi, anyị amaghị
Ka anyị were nwaobere oge anyi nwere
Mepụta ihe gbara ọkpụrụkpụ n'elu ụwa a.
This poem has not been translated into any other language yet.
I would like to translate this poem