Tanhayion me
khamoshiyon me
sahar se door
kisi veeran jangal me
meri atma
anant lamhon ko chumti hai
Jharano ka
uche parvaton se girna
phir gir kar aage badhna
phir unki kal kal dhwani
prakriti ki nistabhdhata ka bhang hona
Parvat k uche sikhar
asman ko chhune ka prayas
suraj ki pratham kiran
ghane patton ko chirti hui
dharti par girti hai
phir charo taraf
uski hi abha nazar aati hai
har manjar par
kahi n kahi thikana hota hai
Hawayen bhi kahan se aati hai
kitni thapere khati hui
kahan chali jati hai
phir main dekhta hoon
hawaon ki jhokon me
do daliyon ko jhagarte huye
jo ek chingari paida karti hai
phir pura jangal
ek samshan sa najar aata hai
jiske kabra me
uski hariyali dafan ho jaati hai
Lovely...really enjoyed the read. Each stanza most enjoyable. Most certainly a 10/10
Bohot khoob! I enjoyd dis, my urdu is similar to yor hindi so i likd dis nice nazm.
beautifully described emotions and feelings, in the images of Nature
Parvat k uche sikhar asman ko chhune ka prayas Peaks of mountains' relentless effort to touch the sky...Beautifully described heart's deep desire (dilka jharoka) . Thank you for expressing various aspects in beautiful Hindi.
This poem has not been translated into any other language yet.
I would like to translate this poem
Beautiful lines.. Jiske kabra me uski hariyali dafan ho jaati hai....Wonderful poem..Loved reading it.. Har manjar per kahin na khin thikana hota hai... Hum usse talashte rahein idhar udhar per woh hamare saamne he tha.. Loved it.