J.k. de Quiroz


Mamundo Magin Burak By J.K. De Quiroz - Poem by J.k. de Quiroz

Mauran makusog,
dangan masaldang nin pwerte.
Mahayop an duros asin
haros mapugto an kugos

na nagtatao sakuya nin buhay.
Aking sadit na sana
an minatino sakuya
kun bako an putakti

na lantad akong hinahabasan;
minadulok sana pag may kaipuhan.

Sa poon, masakit. Ibinubuyangyang mo
an saimong sadiri, maray na sana
ta dae ka mapapasupog
pag dae ka tinitino.

Maray pa an politikong
puro ka-lapaan an imahe,
pinag-uulayan mantang huya ako,
nagpu-porbar na hapihapon

an saimong kipot na daghan
para haleon an kulog boot
asin mga kaanggotan,
pero duros sana an naghahadok.


Comments about Mamundo Magin Burak By J.K. De Quiroz by J.k. de Quiroz

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Thursday, December 17, 2009



[Report Error]